ନମସ୍କାର ବନ୍ଧୁଗଣ। ବନ୍ଧୁଗଣ କଂଗ୍ରେସ ନେତା ସିଦ୍ଧରମୈୟା ଆଜି କର୍ଣ୍ଣାଟକର ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ସେ ଦ୍ୱିତୀୟ ଥର ପାଇଁ କର୍ଣ୍ଣାଟକର ମୁଖ୍ୟମନ୍ତ୍ରୀ ହୋଇଛନ୍ତି। ଏଥି ସହ ରାଜ୍ୟ କଂଗ୍ରେସ କମିଟି ମୁଖ୍ୟ ଡି.କେ ଶିବକୁମାର ଉପମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି।
ଏହା ବ୍ୟତୀତ ଏମବି ପାଟିଲ, ଜି ପରମେଶ୍ୱର, ମୁନିୟାପ୍ପା, ପ୍ରିୟଙ୍କା ଖାଡ଼ଗେ, ସତୀଶ ଜାର୍କିହୋଲି, କେଜେ ଜର୍ଜ, ବିଜେ ଜାମିର ଅହମ୍ମଦ ଖାନ ଏବଂ ରାମଲିଙ୍ଗା ରେଡ୍ଡୀ ଶପଥ ଗ୍ରହଣ କରିଛନ୍ତି।
ସେପଟେ ଶପଥ ଗ୍ରହଣର କିଛି ସମୟ ପରେ ରାହୁଲ ଗାନ୍ଧି ଜନସାଧାରଣଙ୍କୁ ସମ୍ବୋଧିତ କରି କହିଥିଲେ ଯେ ଆସନ୍ତା ୨ ଘଣ୍ଟା ମଧ୍ୟରେ ଆମେ ୫ଟି ଗ୍ୟାରେଣ୍ଟି ପୂରଣ କରିବୁ। କଂଗ୍ରେସ ନେତା ରାହୁଲ କହିଛନ୍ତି ଯେ କର୍ଣ୍ଣାଟକର ନୂଆ ସରକାରଙ୍କ ପ୍ରଥମ କ୍ୟାବିନେଟ ବୈଠକ ଏକ ଘଣ୍ଟା କିମ୍ବା ଦୁଇ ଘଣ୍ଟା ମଧ୍ୟରେ ଅନୁଷ୍ଠିତ ହେବ। ଏଥିରେ ଆମର ୫ଟି ପ୍ରତିଶ୍ରୁତି ପୂରଣ ହେବ। ଆମେ ଯାହା କହୁଛୁ ତାହା କରିଥାଉ।
ସେ ଆହୁରି ମଧ୍ୟ କହିଛନ୍ତି ଯେ ଆମେ ଭାରତ ଯୋଡୋ ଯାତ୍ରାରେ କହିଥିଲୁ ଯେ ଘୃଣାକୁ ହରାଇ ପ୍ରେମ ଜିତିଛି। କର୍ଣ୍ଣାଟକରେ ଘୃଣାର ବଜାରରେ ଲକ୍ଷ ଲକ୍ଷ ପ୍ରେମର ଦୋକାନ ଖୋଲିଛି।
ରାହୁଲ ଆହୁରି କହିଛନ୍ତି, ‘ମୁଁ କର୍ଣ୍ଣାଟକବାସୀଙ୍କୁ ମୋର ହୃଦୟରୁ ଏବଂ କଂଗ୍ରେସ ତରଫରୁ ଧନ୍ୟବାଦ ଜଣାଉଛି। ଆପଣ କଂଗ୍ରେସ ଦଳକୁ ସମ୍ପୂର୍ଣ୍ଣ ସମର୍ଥନ କରିଛନ୍ତି।
ଆପଣ ଏବଂ ଆମେ ଜାଣୁ ଗତ ୫ ବର୍ଷରେ ଆପଣ କେଉଁ ଅସୁବିଧାର ସମ୍ମୁଖୀନ ହୋଇଥିଲେ। ଗଣମାଧ୍ୟମରେ ଏହା ଲେଖାଯାଇଥିଲା ଯେ କଂଗ୍ରେସ ଦଳ କାହିଁକି ଏହି ନିର୍ବାଚନରେ ଜିତିଲା?
ଏହା ବିଜୟର କେବଳ ଗୋଟିଏ କାରଣ ଅଛି ଏବଂ ତାହା ହେଉଛି କର୍ଣ୍ଣାଟକର ପଛୁଆ, ଗରିବ ଏବଂ ଦଳିତଙ୍କ ସହ କଂଗ୍ରେସ ଛିଡ଼ା ହୋଇଛି'। ତେବେ ବନ୍ଧୁଗଣ ବର୍ତ୍ତମାନ ଏହି ଖବରଟି ସୋସିଆଲ ମିଡିଆରେ ଖୁବ ଚର୍ଚ୍ଚାର ବିଷୟ ପାଲଟିଛି।